之前看到一位師兄嘅留言分享，我覺得幾可同感，所以就借用之作遠送彬龍迎玉龍的一個帖，也作為羣組5000紀念文。
其實既然有個 fb 溝通，絕對是一個溝通好平台，点解吾好好了解讀者嘅訴求，我當你早期初接手有D亂，但經過蜜月期，多多小小都知道讀者想睇乜？
跟著讀者喜歡去度個故仔，作為創作者有幾難呢？一D都做吾到？吾明難在那裏？書中有易天行，空我，天下無敵等神，有乜改變吾到呢？
成個白仇還原番都仲得，咪用言生代鐵青天囉，讀者喜歡小邪女，四小將等，咪多D出佢哋囉，洗乜亂出新人物呢？
離火玄冰功系好好創作嘅武功，既然推出來，又吾識用？点解離火玄冰高於冰火邪拳，又或者冰火邪拳強過離火玄冰，其實好有故事性，兩套武功明明來自天竺，佛陀同達摩都系來自天竺，做乜又起源韓國？改前設？博乜呢？
你識改？識兜？改冇問題呀！要合理，通囉，冰火邪拳正好帶出古爺，小邪女等，甚至寫本外傳去講都得，有乜咁難？比本書皇你都搞吾掂？可怪誰？呢本書根本吾洗点創作，抄番舊著已經好好睇了，你吾識作故仔就算，連抄都吾識，死吾死得？當年老黃都掟本倚天同絕代雙驕比牛佬抄來做如來神掌，咪玩咗起碼二百期啦，有幾難呢？
以下是我小小回應。
其實睇完此文，心內有一樣感覺，就是似乎主篇同消費者的想法有好大落差。
他們似乎相信自己的判斷，認為自己才有專業資格去寫出符合粉絲喜愛的內容。
當讀者反映想睇乜唔想乜，他們卻一於小理，認為讀者的意見唔專業，只有他們才知道你喜歡什麼？
彬龍特色有許多，其中一個就是三年來長期不断㷛小虎，相信主編心中肯定粉絲一定喜歡期期見到佢？結果如何？不用說了。
另一特色就是不斷推出天下無敵級高手！明明勁多人反映十分反感，但作者似乎堅信咁寫百分之百正確，一定要教育到大家接受為止，結果如何，又是不用再說。
最後，忽然覺得大家做了小丑，就好像上映中的小丑2電影，導演搞到觀眾變成小丑。
觀眾想睇嘅全部都冇，導演只是騎劫別人品牌講自己認為正斗嘅東西。
希望之後龍虎門可以將大家喜歡的帶回來。
Credit to
Wing Hong Ling
感謝師兄俾我分享你的帖子留言。
沒有留言:
張貼留言